Միայն ֆունկցիոնալ և անատոմիապես ճշգրիտ կատարված ռեստավրացիան (պլոմբավորումը) կարող  է վերականգնել ատամի բոլոր ֆունկցիաները: Այդ պատճառով ատամի իրական ֆունկցիան վերականգնելու համար պետք է վերարտադրել նրա բնական կառուցվածքը: Եթե պլոմբավորումը կատարվի ոչ ճշգրիտ և հարթ, ապա ծամելու ընթացքում տեղի կունենա սննդի ոչ լիարժեք մանրացում: Բացի այդ, սխալ պլոմբավորման հետևանքով ատամի ծամողական ճնշումը կբաշխվի ոչ հավասարաչափ, կընկնի ատամի սեփական հյուսվածքների վրա, որի պատճառով կարող է առաջանալ ատամի պատի կոտրվածք: Կարևոր է նաև, որ պլոմբանյութը նկատելի չլինի: Պետք է ընտրել ատամի գույնին համապատասխան պլոմբանյութ, ճիշտ հարթեցնել պլոմբային մակերեսը՝ ատամի էմալին համարժեք փայլ ստանալու համար:

Մեր ատամնաբուժարանում աշխատանքի համար մենք փորձում ենք ընտրել նյութեր փորձված արտադրողներից, որոնք այսօր խորհուրդ են տրվում շուկայում: Մեր հիվանդներին հնարավորություն ենք տալիս ընտրելու վերականգնման նյութը: Այդ պահանջներին համապատասխանում են <լուսային> պլոմբաները:

Ագաթ Դենթալ ատամնաբուժարանի մասնագետները առաջարկում են բացակայող ատամի վերականգնման  շատ հետաքրքիր տարբերակ, որը կոչվում է ադգեզիվ կամրջաձև կոնստրուկցիա:

Այդ մեթոդի առավելությունները՝

• Հենակետային ատամի մինիմալ հպում առանց նյարդերի հեռացման
• Բացակայող ատամի վերականգնում մեկ բուժայցի ընթացքում առանց լաբորատոր փուլի
• Ատամնային շարքի էսթետիկ և ֆունկցիոնալ ամբողջականության վերականգնում
• Ծամողական ճնշման ոչ տրավմատիկ բաշխում մետաղական հիմքի բացակայության հաշվին
• Ծնոտի ոսկրի դեստրուկցիայի պրոֆիլակտիկա
• Համեմատաբար մատչելի գին մետաղակերամիկական կոնստրուկցիաների համեմատ